دو ہزار پانچ سے پاکستان کی بہادر افواج اور اسکی انٹیلیجنس ایجنسیوں اور آئی ایس آئی
نے سندہ کے سینکڑوں نوجوان غائب کیے ہیں، غائب کرکے انپر بہیمانہ تشدد کیا ہے، اپنی تحویل میں بذریعہ انکو تشدد قتل کیے ہیں۔ افوج پاکستان اور اسکی ایجینسیاں بہادر اتنی کہ آج تک اعتراف تک نہیں کیا کہ ان سینکڑوں افرا کو انہوں نے ہی اغوا کیا ہے۔ اور نہ ہی ان میں غائبشدگان میں سے ایک پر بھی کسی عدالت میں کوئی جرم ثابت ہوا ہے اور نہ ہی کسی عدالت میں انکو پیش بھی کیا گیا ہے۔ تاحال پاکستان کے ان مغوی شہریوں میں اٹھارہ سال سے کم عمر نوجوانوں سے لیکر نوجوان ، بوڑہے ، پیشے کے لحاظ سے اساتذہ، پروفیسر،ڈاکٹرز، انجینیئر، ادیب، شاعر، پبلشر،صحافی، سیاسی و سماجی کارکن شامل ہیں۔ ان میں کئی اپنی نسل کے بہترین دماغ ہیں، تھے۔
گمشدگیوں کا تازہ شکار انجنئر ماجد حیدری ہے۔ ماجد حیدری عراق اور دبئی میں اپنی انجینیئرنگ کی خدمات سرانجام دے چکا ہے۔ متحدہ عرب امارات میں محض تارک وطن سندھیوں کی سماجی خدمات میں مصروف رہا تھا۔ ماجد کو کراچی سے اٹھا کر غائب کردیا گیا ہے۔
2005 سے آجتک جتنے بھی سندھی نوجوان اٹھا کر غائب کردے گئے ہیں،قومی خزانے سے کروڑہا روپے ان ویگو سوار اجل کے بے وردی وردی پوش فرشتوں پر خرچ کیے جا رہے ہیں۔ کن کا خیال ہے ہر جی او سی کے صوابدید پر ایک بجٹ ہوتا ہے “اینٹی اسٹیٹ عناصر” کی سرکوبی کے نام پر یہ بجٹ ہضم کر نے کو زیادہ تر بیگنہہ نوجوان اٹھائے جار ہے ہیں۔ویسے گھر کی بات گھر میں تو کی جاسکتی ہے نہ، جرنیلوں کرنیلوں سے زیادہ کون ملک مخالف قوتیں ہو سکتی ہیں؟
ان گمشدگان سے کیا اعترافات ہوئے؟ اسکی بنیاد پر دفاعی حکمت عملی اور پالیسی میں کیا تبدیلیاں لائی گئی؟ کن کو سزائیں ہوئیں ؟ صفر پلس صفر ۔کیوں کہ یہ سب جھوٹ اور ریاستی دہشتگری کا کاروبار ہے۔ سندہ کے عوام میں خوف و دہشت کی فضا قائم رکھ کر حکمرانی قائم رکھنی ہے کہ وہاں ساری حکمرانی کرنلوں کے ہاتھوں میں ہے۔
اب بہت ہو چکی۔ فوج، انجینئر ماجد حیدری سمیت تمام گمشدگان فوری رہا کرو۔ گمشدگییوں کے دوران قتل ہونیوالوں، تشدد کے دوران معذور ہونیوالوں، تشدد میں ذہنی توازن کھو بیٹھنےوالوں کے خاندانوں کو معاوضہ جات ادا کریں۔ جبری یا غیر رضاکارانہ نفاذی گمشدگیاں اغوا کا سنگین جرم ہے اور ان جرائم میں ملوث افسروں اور سپاہیوں کو گرفتار کیا جائے مقدمے چلا کر سزائیں دی جائیں۔ ۔ دیر یا سویر۔ یہ حساب تو ہونا ہے۔ کیونکہ تم کتنے بھی طاقتور اور با اختیار ہو تمہارے جنازے بند کمروں میں چھپ کر ر پڑہے جاتے رہیں گے۔ مشرف کے انجام سے عبرت حاصل کرو۔ ملک تمہارے ایسے انسانیت کے خلاف جرائم کی وجوہات پر “غائبستان” بنا ہوا ہے۔ انٹیلجنس ریپبلک آف غائبستان۔
The writer is a poet and journalist in exile.
